يا سلااااام….ما اروعها من لحظات وما اجملها من أمسية ربيعية الهوي حملت الينا خبرا انتظرناه طويلا… خبر افرح كل سوداني ….ومع نفحات مولد الهدى … جانا الخبر من ضي قالوا العيال راكزين سو النجيض مو ني….الليلة البشاير جات….
جاتنا بالعزة والفرحة…كروزر يركب كروزر وعينك ما تشوف إلا النور (عيال عوين جروا) وما اكثر كابتن ماجد في صفوف الجنجويد….
الف برشم مستعدين للجري والطيران ومن بارا الحبيبة كان اجمل خبر…فعلوها الشفوت وسكتوا الخشامة ونزلوا في العوازل كي….
بارا جيناكي واللبس كاكي….الاخضر البتحرن غطى بسماء المدينة واعطاها لوحة الفرحة الفريدة….الجنجا في وضع الطيران وشبكة العنكبوت تحيط بضياع المليشيا في عموم دار الريح….
رجعت بارا لحضن دولة 56 حرة ابية.. وجيشنا العاتي صانع الفرح يوماتي بجغم الدعامي وبحرق القحاتي….جيش مر وفعلوا بسر….دا جيش ما بتداوس ومستعد لاي حاجة…. لم يفهم الجنجويد شيئا فاختاروا الهروب المبكر وذهبوا الى ام قرون بعار جديد….والشردة عيب وشينة يا عصابة ال دقلو…
رجعت بارا العزيزة وزينت امسية الخميس بالوان الفرح الخرافي واضحكت كل كردافي واعطت عموم اهل السودان قناطير من الحب الصافي….
جيش قوقو ومروال عند الموعد والهجانة اثبتت علو كعبها ومدى فاعلية سحرها الاخاذ السالب للافئدة….
بتحرير بارا فتح الوطن صفحة التحرير الكامل واغلق ملف الجنجويد بالضبة والمفتاح…. صباح الغد الجمعة سنحتفل بتحرير ام سيالة وام قرفة وجبرة الشيخ وعموم دار الريح…
كراعكم خضراء يا فرسان دار حامد….اعلنتم الاستنفار وتقدمتم الصفوف فكنتم الفال الحسن وتميمة النصر البهيج…. والدراعة ناس الادب والطاعة لهم الف تحية…
ننتظر الفرح تحت اقدام متحرك الصادرات وزيرو ناين ولواء الردع…
تحرير بارا اعطى الابيض حق العيش بسلام….تم تحييد الاتجاه الشمالي للمدينة تماما…..
من الابيض ستأخذ الخوي موعدا مع النصر وتتهيأ النهود لفرح قادم لا محال….
بتحرير بارا اضحت الفاشر قريبة من الانعتاق وليت الكباشي يتقدم غربا لشحذ الهمم وتعبئة الاجساد بالطاقة الايجابية….
نيالا في القزاز ويا تأسيس ابقي مارقة …. جيشنا سيبتلع كل خائن وعميل ولا عزاء لعملاء قحت الذين باعوا الوطن بدراهم معدودة وكانوا فيه من الزاهدين…..
مبروك لأهل محلية بارا هذا النصر العظيم…مبروك لكل الكردافة ولعموم أهل السودان لقد عادت بارا الحب لذات الحضن ولذات الوطن وهي تختال في ثوب عزها تعانق اشجار اللبخ وترسل تحاياها للتبلدي الشامخ …والليلة يوم ميلاد فرحنا
….
بارا مبروك يا الحبيبة
انتي في عزك قريبة
انتي من زمن الحقيبة
غنية في دفتر غنانا
انتي في الطلة المهيبة
يا عروس ارض الحواضر
ماخدة من الغرة طيبة
ادي ارض الريح تحية
وقولي للارض النجيبة
انتي لابسة الكاكي اخضر
لنتي اصلك ما غريبة
الف مبروك يا اغلى درة
بارا يا اجمل حبيبة
